بسم الله الرحمن الرحيم ♥
ورجعنا رح اتكلم بالصور عن الأغراض الي اخدتها معايا:&
وقبل ماتبدأو
قراءة نصيحة استشيروا طبيبكم بالأدوية المكتوبة في أدوية ماتنفع الي عندكم سكر ضغط
حساسية من مادة معين (اللهم إني بلغت) طبعا من الحماس شريت حاجات كتيرة متل
ماقلتلكم مفكرة حالي بروح صحراء بالعكس اللهم لك الحمد الصيدليات متوفرة مشفيات
متوفرة وسوبرماركت وفيه بس احنا النسوان مانقتنع :& وخصوصا انا ما أحب انسى
حاجة واحتاجها بعدين:& ولاتنسوا القرآن طبعا ولا السجادة هما اهم حاجة من كل
هدا العفش :& وكمان الأغراض كنا نمّول الي محتاجها من الحملة ونصدر لقسم
الرجال :& حاجة تقول الحمدلله وماتخليك تندم وكمان نصيحة خدو متلا 100 ريال
واصرفوها خمسات وريالات وتصدقوا فيها بين يدي الله فكل عمل تقوم فيه بهدي الأوقات
مضاعف والآن اترككم مع الصور واعتذر ع المقدمة الطويلة
أول شي الملابس
أول شي اشتريت عباية على الكتف مغلقة من
الأمام بالكامل وقماشها وسط بس انتبهو في
بعضها تجي اقمشتها شفافة ونصيحة خدي عباية احتياط تانية لو حصل شي والاشي تكون معايا وجاهزة وجلباب مصري الي يجي من فوق بس والبس تحتها العباية وكانت وسيعه وسبحان الله آخر يومين قبل السفر
اختي جابتلنا جلباب اندونيسي او (حجاب ) وصغيرة واحلى مافيها انو قماشها مطاط فكنت البسها تحت الجلباب المصري عشان تمسكو
وعشان ماتبين معالم الجسم لأنو الأندونيسي
بيمسك وكمان مايطلع الشعر لأنو ماتقدري كل
شوي تعدلي شعرك وشريتو من طيبة من محلات
العبايات وتلاقوة بأي مكان طبعا في قصير
وطويل ووسط انا اخد الوسط الي يوصل لنص الجسم
طبعا تقدري تلبسي طرحة عادية بس والله مافيني اعدل كل شوية :&
وهدي صورة الجلباب
طبعا الي فوق لانها تجي قطعتين انا اخدت الجلباب ولبست تحتو العباية(الصور من النت
)
ملاحظة / لايجوز لبس النقاب ولو حابة تغطي وجهك في قطعة
قماش خفيفة برضو عند محل العبايات ورجاء نبهو كل وحده تشوفوها في الحج لابسة نقاب
شفت كتير لابسين تاخدو اجرهم بعضهم يكونو جاهلات بالموضوع
وقمصان لأن اغلب الأخوات رح يجو ينصحوك لو شافوك
لابسه قصير او بنطلون طبعا اختي الصغيرة قلنالها خدي قمصان او بلايز طويلة وماكانت
تسمع الكلام وجابت بس قميص والباقي بجايم وتهزأت ههههههه :& انا اخدت 3قمصان
و5 ليقينزوبنطلون سبوروتنورة احتياط و2شرشف
صلاة (جلال)الي تجي قميص ومعاها الحجاب واحد البسو دايما فوق القمصان والتاني اصلي فيه كان
مريح جدا >على قولة ماما ماجينا نستعرض:&(الصورة من النت )
وشرابات وخف ثقيل شوي عشان لما تروحو الحرم وتأكدو
من الي تحت عشان ماتزحلقو :& (الصور من النت )
وطبعا خدي باقي الأمور الخاصة الي تحتاجيها
والفوطة والروب
واكياس كبيرة عشان تقدري تدخلي فيها دورة
المياة (وانتو بكرامة )عشان وقت الاستحمام
وكدا
نجي لأغراض الصيدلية
رح تحتاجي شامبو عديم الرائحة أنا استخدمت بيزلين
(صيدلية وايتس) ولو تعرفي شامبو من غيرا رائحة غيرو عادي استخدمية وكنت كمان استخدمو للغسيل الايدي والوجة عشان ما
يدخل فيني الشك خصوصا انك تكوني محرمة والا انا ما احب غير لايفبوي احسو نظافة عن
جد :&(الصورة من النت لأنو خلص من عندي ورجعت للشامبو تبعي:&)
ديودرنت (مزيل رائحة) برضو بيزلين بس بالمره
ماحبيتو وماناسبني سببلي حساسية وشريت فيشي جدا رائع فلو ناسبك اوك خديه وجربيه قبل ماتسافري :&
احسن مرطب في الدنيا الفازلين ومرطب شفايف واقي من
الشمس ومن غير لون ولا رائحة حلو للرجال لأنهم يتعرضو للشمس اكتر
الأدوية
ميبو للجروح
والحروق لاقدر الله (الصورة من النت لما خلصت تصوير افتكرتو :&) ما
احتجناه الحمدلله
كونتراكيوبكس برضو للجروح يعمل طبقة
على الجرح بس ريحتو بصل :&
وبرضو الحمدلله ما احتجناه
حبوب الزكمة والأنفلونزا
فلودركس بطلي الحبيب لما اتحسي انها بداية
انفلونزا ابلعيلك حبتين بس وشوفي قدرة
الله
اقراص اوروفار للحلق عجيب لآلام الحلق والبلاعيم وكدا
مجموعة العظـــــــــــــــام
من اروع الحاجات لما ترجع من المناسك تريحلك
عظيماتك الباقية ههههههه 1-أولفين طبعا لكل شي ألم ايدي أرجل ظهر بطن 2-فلدين للركب والأرجل 3-ريلاكسون
متل ماهوا مكتوب للشد العضلي ألم الظهر 4-موف مرهم للعضلات طبعا ريحتو نفاذه فخليه
آخر خيار بس لأنو ماما ركبها تتعبها بالمره فكنت ادهنها منو بس كمية قليلة وافتكر ماكانت محرمه فما اعرف حكمو لو الواحد محرم
مجموعة الصداع
الصداع احيانا يكون سببو احتقان في الجيوب الانفية
فلو انت عارفه نفسك استخدمي 1- كلاريناس 2- بندول سريع المفعول 3-بروفين600
جميل للصداع وبرضو لوجع الظهر
مجموعة الضمادات ولصقات الجروح
حبايب القلب ههههههه ♥
للقرصات واللسعات انا كنت بستخدمو لكدا 1-
بيتاديرم 2-
مومينتا طبعا هدا الشي للتسلخات والدكتور
نصح فيه للرجال فنصيحة لو تعرفو احد رح يحج انصحوه
فيه (وحدة معانا كانت تحكيلنا انو اخوها او ابوها مو فاكرة مو قادر يمشي من
التسلخات وقامت ماما ادتها منو ورجعت اليوم التاني تشكر فيه وانو مفعولو سحري )
3- داكتارين اورال جيل للحبوب الي تطلع داخل الفم جميل جدا
بيتاسيرك للي يعانو من الشقيقة او طنين في الادن انا مخلوقة الهوا يتعب ادني واحسب الم وطنين
ودوخة فاستخدمو وسبحان الله يبعدو
جوسبرين هدا الشي لخفقان القلب الدكتور وصفو لماما
احيانا تحس بنغزات في القلب يعتبر مسيل او شي متل كدا
ايركالم قطرات معقمة للأدن
قطرات معقمة للعين والي يعانو من جفاف
توسيبان شراب كحة بطل
فلاجيل الي ياخدو يدعيلي هدا لألم المعده ولما
تاكلو شي عجيب والمعده ماتتقبلها وتصيرو رايحين جايين عدورة المياة هدا الشي يحارب
كل ده :&
موكسال للحموضة
اناللرج حبوب حساسية
بروفين 400 ابو الحبات الوردية لألم الأسنان
العجيب
معقمات واحد رغوة وواحد بخاخ من غير رائحة لأني
مدمنة تعقيم شريتهم وللأسف يعطو ريحة بايخة ماحبيتها بالمرة لأنو ما اعرف ماهو حكم
معقمات الايدي الي بروائح متل حبيبي الديتول فكنت مدرعمة واخدتهم
حبايبي بخاخاتي الجميلة احسهم حاجة مهمة :&
مسحة طبية
ملاحظة /
انا اخدت ملح وحطيتو بعلبة مغلقة بأحكام وصغيرة تحطيها في شنطتك دائما لأن مع
الزحمة بعض الناس يدوخو فلو موع شانك عشان الي معاك (كنت رح اصور العلبة بس ما اعرف فين طارت فجبت حاجة مشابهه بس هدي الغطا سهل يفك
ويعبيلك الدنيا :&)
لبس المطر الذي لم يفتح بعد هههههههههههه بس
الأحتياط واجب لأنو كنت بشوف طقس مكة وكانت الدنيا غرقانة تصدقو!!
كمامات
شنطة بلاستيكية حاطة فيها كل الشواحن وكدا الي
خايفة لو مطرت تغرقها :& بس ماشفت ولامطرة لا زلت محتفظه بالشواحن فيها
شنطتي الجميلة شريتها ب15 او 20 مو فاكرة (من محل الشنط الي بغرناطة قدام كارفور على طول وجنب ماكياجي أو تلاقوها بأي محل شنط عادي)بس ماشاء
الله ماشاء الله تفك ازمة بلد وهيا الي كنت باخدها معايا في الحرم وكل مكان
وزمان وكنت احط فيها مقص عشان وقت التقصير
الحمدلله اني جبتو شفت عالم طوابير على المقصات وعرفو الي معايا قيمتي الحقيقية :& والكشاف الي رح تشوفوه تحت ودفتري الصغير والفون والكام ومناديل والمطهر
وكشافاتي الجميلة من اجل البحث عن الجمرات
والكشاف الأحمر الكبير كنت بستخدمو لما يكونو الي معايا نايمين عشان ما ادعس احد
وانا ماشية كانو يطفو اللمبات ويبقو لمبة
خفيفة :& (شريتو من ايكيا )والكشاف الطويل هدا فيه متل الفلاش اقول لماما لو
حصل شي لاقدر الله اولع الفلشر تبعي :& XD شريتو من ساكو
فوني الحبيب هههههههههههه الذي بيض وجهي ونصيحة خدو نوكيا رح تحتاجوه وحلو مايخلص الشحن بسرعة لاتستهينو في القدماء بس لما رجعت من الحج توفى :&
فوني الحبيب هههههههههههه الذي بيض وجهي ونصيحة خدو نوكيا رح تحتاجوه وحلو مايخلص الشحن بسرعة لاتستهينو في القدماء بس لما رجعت من الحج توفى :&
شنطة الظهر الي كنت باخدها معايا ايام المبيت وكدا
لما نطول نكون برا بحط فيها الأدوية
وسجادة الصلاة والأكل وكانو يحطو علب
الموية تبعهم معايا ماشاء الله مريحة
:&
رأس الشاحن الي يكون مرفق بنفس كارتون الفون لأن
احيانا الأفياش ماتكون نفس الي عندكم في البيت
كيس نوم أحسن واستر عند النوم وآآآه اول يوم نمت فيه حلمت اني في غرفتي وعلى
سريري وعن جد قعدت مفجوعة وجلست اتامل في المكان حتى استوعبت ههههههههههه :& (شريتو من ساكو انتبهو في مقاسات )
ودفتري الجميل الي كنت بكتب فيه اليوميات والأكشن
والأدعية وشوية شخابيط :&
وكان معايا كمان كتيب الحج والأدعية لإبن
باز رحمة الله وجمعنا به في جنات النعيم حلو يكون الدعاء من نفسك وتدعي بالي تتمناه بس سبحان الله ترتبك ماتعرف ماذا تقول فتصيبك تناحة فكتيبات الأدعية تعطي دعم :&
ونكون بكدا خلصنا الأغراض وربي يسهل حجتكم
ويسخرلكم أولاد الحلال الي يعينوكم
وانا عارفة اني كبرت الموضوع واخدت البيت كلو بس الحماس ومايفعل والحمدلله احتجنا من كل شي حاجة :&
وقبل ما اختم حابة اذكركم بحاجة "من اراد الحج فلا رفث ولافسوق ولاجدال في الحج لاحظت في يوم رمي الجمرات الناس متنرفزة ومجادلات على اتفه الاشياء تعوذوا من ابليس كلها ايام وتخرجون كما ولدتكم امهاتكم
مع حبي ميرة♥♥♥
